13 мая 2017 года ў Бялынічах адбылося раённае свята, прысвечанае 95-годдзю піянерскага руху «Піянерыі – 95”, на якое былі запрошаны піянерскія дэлегацыі ўстаноў адукацыі, педагогі, ветэраны Вялікай Айчыннай вайны і працы, прадстаўнікі грамадскасці.
Урачыстая лінейка прайшла каля помніка землякам, якія загінулі ў гады Вялікай Айчыннай вайны. Яна распачалася са здачы рапарта намесніка старшыні раеннага ГА “БРПА” Ірыны Лапацентавай, пераклічкі піянерскіх атрадаў і вынясення сцяга раённай піянерскай арганізацыі.
3 95-годдзем піянерыі прысутных павіншавала начальнік аддзела адукацыі, спорту і турызму райвыканкама Таццяна Уладзіміраўна МЯКШЫНА, якая пажадала рабятам пранесці праз усё жыццё піянерскія ідэалы дабрыні і ўзаемадапамогі.
Ад імя старэйшага пакалення выступіў ветэран Вялікай Айчыннай вайны Віктар ПаўлавічАРЖАНІКАЎ. Ён выказаў упэўненасць, што моладзь будзе працягваць лепшыя традыцыі ветэранаў піянерскага руху, пажадаў піянерам поспехаў у вучобе і быць прыкладам для сваіх равеснікаў.
У гэты ж дзень раённае ГА “Беларуская рэспубліканская піянерская арганізацыя” , быць добрымі, шчырымі і справядлівымі, заўсёды адпавядаць традыцыям БРПА”. Чырвона-зялёныя гальштукі рабятам павязалі старшыня райсавета ГА “БРПА” Дзяніс УладзіміравічРУЦКІ і ганаровыя госці свята.
Удзельнікі ўрачыстасці хвілінай маўчання ўшанавалі памяць загінулых у гады Вялікай Айчыннай вайны і тых, хто падарыў мірнае жыццё, і ўсклалі кветкі да помніка.
Пасля ўрачыстай лінейкі ўдзельнікі свята накіраваліся ў ДУА “Сярэдняя школа №1 г. Бялынічы імя М.І. Пашкоўскага. У фае ўстановы была арганізавана выстава “Піянерыя вачыма дзяцей”, а ў актавай зале адбыўся святочны канцэрт “Піянерыі – 95”. Музыкальныя нумары на ім чаргаваліся з віншаваннямі і конкурсамі.
Перад рабятамі з наказам выступілі ветэраны піянерскага руху. Уладзімір ФёдаравічЧУЖАЎКА падкрэсліў, што сённяшнія піянеры адрозніваюцца ад сваіх папярэднікаў. Яны больш разняволеныя, смелыя і энергічныя. Ніна Мікалаеўна НІКІТЧАНКА расказала, што ў яе дзяцінстве з піянерыяй было звязана шмат цікавых падзей. Напрыклад, для яе, юнай піянеркі, стала вельмі запамінальнай сустрэча з Музай ЗАСЛОНАВАЙ, дачкой Героя Савецкага Саюза Канстанціна Заслонава, якая прыязджала ў госці ў Свяцілавічы.
Надзея Сяргееўна СЕРЫКАВА адзначыла, што юбілейная дата ў 95 гадоў сведчыць пра каштоўнасць піянерскай арганізацыі для нашага грамадства і краіны. За гэты час многае змянілася, але захаваліся піянерскае сяброўства і ўзаемавыручка, любоў да Радзімы, павага да старэйшых і клопат аб малодшых. Рабяты берагуць традыцыі мінулых пакаленняў піянераў, праводзяць шмат розных добрых акцый і цікавых мерапрыемстваў. З нагоды свята Надзея Сяргееўна ўручыла Дзянісу Руцкаму падарачны сертыфікат ад абласнога аддзялення ГА “Беларускі фонд міру” на набыццё спартыўнага інвентару для раённай піянерскай арганізацыі.
Піянеры-актывісты Бялыніччыны былі адзначаны ганаровымі граматамі райсавета ГА “БРПА”.Лепшыя педагогі-арганізатары таксама атрымалі ганаровыя граматы аддзела адукацыі
Завяршыў святочную праграму раённы конкурс акцябрацкіх груп “Суперзорачка”. Перамаглі ў ім акцябраты СШ № 2, другое месца занялі прадстаўнікі Кудзінскай БШ, трэцяе – Лебядзянкаўскага ВПК ДС ПШ. Таксама спецыяльнымі дыпломамі ў асобных намінацыях адзначаны акцябрацкія групы Цяхцінскага ВПК ДС СШ, Эсьмонскай і Вішоўскай СШ. Пераможцы і прызёры конкурсу ўзнагароджаны граматамі і салодкімі падарункамі аддзела ідэалагічнай работы, культуры і па справах моладзі райвыканкама.